Mercadabadillo

Gure klasikoetako bat. 2014an ia Dabadabaren eskutik sortua (hortik datorkio izena), merkadabadilloak zola hartu zuen hilabete bakoitzeko lehen igandeetan.

2018an Dabadabaren berrikuntza lanekin batera, aukera ezin hobea izan zen Mercadabadilloa Dabadaba bera gaindituko zuen ekitaldi gisa pentsatzeko. Hortaz, azoka txikiak antolatu dira Dabadabatik kanpo, besteak beste, Kursaalean (barruan eta kanpoan), Cristina Enea parkean Glad Is The Day jaialdiarekin batera, Ondarretako lorategietan, Pasaiako Ziriza Etxean...

Edizio bakoitzean, 100 postu baino gehiago izan dira, eta 2000 eta 5.000 arteko parte-hartzaile.

Jaialdiak

Musikarekin dugun harreman sakona bi jaialdi txikiren antolaketan ere adierazten da, bata Donostian eta bestea Irunen.

Glad Is The Day 2015ean jaio zen ekitaldi txiki bat bezala Kristina Enea parkean (aka Gladys Enea), Le Bukowski eta Donostia Kulturarekin batera antolatua. Pixkanaka, Donostiako udaren erreferentziazko ekitaldi gisa eboluzionatu zuen, bi eszenatokirekin eta milaka ikuslerekin, aldi berean, familiarra eta abangoardiakoa izanik, integratzailea eta arriskutsua den jaialdi bat.

Irun Zuzenean da, 2019tik, Irungo Udalarekin dugun lankidetza, Glad Is The Day-rekin ezaugarri batzuk partekatzen dituen jaialdi bat: publikoarentzat atsegina den ikuspegi batetik (doakoa, hurbila, irisgarria) eta nazio eta nazioarte mailako artistak Irunera ekartzen dituena, tokiko proposamen interesgarrienak konbinatuz.